Amel 1

غزل عبد العزيز وطنوال

02.05.2009 14:24

         

               غزل 

                  عبد العزيز وطنوال
   
تر اوسه جوړ نه يم درد لرم قرار نه لرم
شوګير وهلي يم خوبونه تر سهار نه لرم

زه محبت پېژنم زه د محبت ليونى
زه په دنيا څه كوم زه په دنيا كار نه لرم

كه مې ديو اړخه وسنجى ستومانه به شې
كه مې د بل اړخه وسنجى هيڅ يار نه لرم

ماته مالومې دي ما يې ډېر ډېر انتظار كړى دى
زه خو د ښكلو په وعدو باندې اعتبار نه لرم

كه چېرته راكړې خداى دژ وند په رنګينو به پوه شم
كه خداى را نه كړې نو ځان وژنم بله لار نه لرم

شعور لرم عقل لرم د زړه په درد پوهېږم
ما زوروي ولې انسان نه يم ازار نه لرم

چوپ د عزيز وطنوال نوم په ژبه ذكر نه كړې
اه ليونى دى ليونيو سره كار نه لرم

 

            http://www.tolafghan.com/amel       لومړې مخ